काठमाडौं । कानुन व्यवसायीहरुको छाता संगठन नेपाल बार एसोशिएसनमा गठबन्धनमा आवद्ध दलहरुले तालमेल गरेका छन् । चैत १९ गते हुने बारको चुनावका लागि गठबन्धनमा आवद्ध दलहरु नपाली कांग्रेस, नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टीले गठबन्धन गरेका हुन् ।
चुनावका लागि अध्यक्ष पदमा गठबन्धनका तर्फबाट गोपालकृष्ण घिमिरे अध्यक्ष पदको उमेदवार बनेका छन् । घिमिरे नेपाली कांग्रेस निकट डेमोक्रेटीक लयर्स एसोशिएसनका आवद्ध छन् । उनी कांग्रेसको केन्द्रीय निर्वाचन समिति संयोजक पनि हुन् ।
महासचिव पद माओवादीको भागमा परेको छ । माओवादी निकट गणतान्त्रिक प्रगतिशित कानुन व्यवसायी संगठनका तर्फबाट अंजिता खनाल उमेदवार बनेकी छन् । अर्को महिना हुने चुनावका लागि अहिले मनोनय दर्ता भइरहेको छ ।