विश्वको सर्वोच्च शिखर सगरमाथामा नेकपा एमालेका अध्यक्ष तथा पूर्वप्रधानमन्त्री केपी शर्मा ओलीको तस्विर फहराईने भएको छ ।
सुर्योदय नगरपालिका वडा नं. १० निवासी योगान्तीका तामाङले आगामी जुन ४ तारिखमा विश्वको अग्लो शिखर सगरमाथा आरोहण गरी केपी ओलीको तस्विर फहराउने हुनु भएको छ । केपी ओलीले विश्वसामु नेपाल र नेपाली जनताको शिर सगरमाथा झैं उचो बनाएकाले आरोहणका क्रममा आफुले केपी ओलीको तस्विर फहराउने तयारी गरिरहेको बताउनुभयो ।
आरोहणको लागि आगामी अप्रीत ४ तारिक काठमाडौँबाट सगरमाथाका यात्रा तय गरिएको बताइएको छ । सर्वोच्च शिखर सगरमाथामा तामाङले राष्ट्रिय युवा संघको भण्डालाई समेत फहराउने तयारी गर्नुभएको छ ।
आम नेपाली युवाहरुको प्रतिनिधित्व र युवाहरुको भूमिका तथा मागलाई राज्यका सम्पूर्ण तहमा स्थापीत गराउन सफल भएकाले संघको झण्डा समेत केपी ओलीसँगै फहराउने उहाँले बताउनुभयो । युवाहरुको मार्गदर्शन, मुलुकको मेरुदण्ड तथा प्रेरणाको स्रोत समेत संघ भएकाले संघका संस्थापक अध्यक्ष ओलीको तस्विर सगरमाथामा फहराउने बताउनुभयो ।
काठमाडौँ–पर्सा सम्पर्क मञ्चले आयोजना गरेको पार्टी प्रवेश कार्यक्रममा अध्यक्ष ओलीले नेपालको झण्डा तथा आफ्नो तस्विर सहितको राष्ट्रिय युवा संघको झण्डा तामाङलाई हस्तान्तरण गर्नुभयो ।
अध्यक्ष ओली, एमालेको पोलिटव्युरो सदस्य तथा पूर्वमन्त्री महेश बस्नेतलगायतका नेताहरुले तामाङलाई सगरमाथा आरोहणको सफलताको शुभकामना समेत व्यक्त गर्नुभयो ।