• Wed. Feb 21st, 2024

अग्रिम पोष्ट

सर्वाधिक हेरिने अनलाइन

युक्रेनमा बच्चालाई बचाउनको लागि आमाले थुप्रै गोली आफ्नो शरीरले छेकिन्

Bydeep

Mar 20, 2022

काठमाडौं। भनिन्छ संसारमा सबै कुराको मूल्य हुन्छ तर आमाको ममता भने अनमोल हुन्छ । निकै कठिन परिस्थितिमा आमाको त्याग र बलिदानले संसार आश्चर्यमा परेको छ । आमाले आफ्नो ज्यान दिएर पनि बच्चाको रक्षा गर्छिन् । यही कारण आमालाई भगवानको दर्जा दिइएको छ । आमाको ममताको अस्तै अनुपम उदाहरण युद्धग्रस्त युक्रेनमा देखिएको छ ।

युक्रेनको राजधानी किभमा गोलीबारीको क्रममा एक आमाले आफ्नी एक महिनाकी छोरीलाई आफ्नो शरीरले छेकेर बचाइन् । यस क्रममा उनलाई कैयौं गोली लाग्यो र उनी गम्भीर अवस्थामा अस्पतालमा छिन् । महिलालाई थुप्रै गोली लागेका छन् तर बच्चालाई केही पनि नोक्सानी भएको छैन । अस्पतालमा महिला र उनका पतिको शल्यक्रिया गरेर गोली निकालिएको छ । उनका पति पनि घाइते भएका थिए ।

युक्रेनमा आक्रमणपछि त्यहाँ भागाभागको स्थिति छ । ठूलो संख्यामा मानिसहरु देश छाडेर बाहिरिएका छन् । संयुक्त राष्ट्रसंघको माइग्रेसन एजेन्सीका अनुसार करिब ६५ लाख जनता विस्थापित भएका छन् । १ लाख २० हजारभन्दा धेरै युद्ध प्रभावित क्षेत्रमा फसेका छन् ।

Leave a Reply

Your email address will not be published. Required fields are marked *