• Wed. Feb 21st, 2024

अग्रिम पोष्ट

सर्वाधिक हेरिने अनलाइन

दुई पत्रकार विचको झगडा : यसरी गरे लिखित सहमती

ByDeayam

Mar 24, 2022

बबरमहलस्थित कार्की ब्यांक्वेटमा दुई पत्रकारबिच भएको झगडाको भिडियो सामाजिक सञ्जालमा भाइरल भइरहेको छ । यद्धपी उनीहरुबीच अहिले फेरी यस्तो घटना नदोहोर्याउने भन्दै लिखित सहमती भएको छ । बबरमहल स्थित कार्की ब्यांकेटमा एमाले बैठकमा रिपोर्टिगं गर्न गएका दुई पत्रकारबीच झगडा भएको हो ।

समाचार संकलनमा गएका सञ्चारकर्मीहरू अनलाइन न्यूज पोर्टल बाह्रखरीका फोटो पत्रकार हरिश क्षेत्री र हिमालय टेलिभिजनका क्यामेरा पर्सन श्याम थापा एक आपसमा जुधेका थिए । उनीहरुको मिलापत्र भइसकेको भएपनि भिडियो भने सामाजिक सञ्जालमा भाइरल भइरहेको छ ।

एमालेको बैठकमा नेताहरु बैठक हलमा भित्रने क्रम चलिरहँदा उनीहरुबीच झडप भएको थियाे । अचानक हरिस क्षेत्री र श्याम थापा भिड्न थालेपछि उनीहरुलाई त्यहाँ रहेका अरु पत्रकार र सुरक्षाकर्मीले छुट्याएका थिए ।

यस अघि पनि उनीहरुबीच बेला बेलामा झडप भइरहने अरु पत्रकारहरुले जनाएका छन् । २७ पुसमा पृथ्वी जयन्तीको फोटो खिच्दा पनि उनीहरु विवाद गरेका थिए । सिंहदरबारबाहिर पृथ्वीनारायण शाहको शालिकमा माल्यार्पण गर्ने कार्यक्रममा भिडिओ खिच्दा छेकिएको भन्दै दुई पत्रकार विवाद गरेका हुन् ।

दोस्रो पटक नेकपा माओवादी केन्द्रको कार्यक्रममा पनि त्यस्तै विषयमा दुई पत्रकारबीच बाझा बाझ भएको थियो । नेकपा माओवादीको महाधिवेशन अघि भएको एक कार्यक्रममा उनीहरु विवाद गरेका थिए ।

विवाद पछि फोटो पत्रकार हरिश क्षेत्री र हिमालय टेलिभिजनका क्यामेरा पर्सन श्याम थापाबीच मिलापत्र भएको हो। राष्ट्रिय फोटो पत्रकार समूहका अध्यक्ष प्रदीपराज वन्त र हिमालय टेलिभिजनका प्रशासन प्रमुख राजेश श्रेष्ठको मध्यस्थतामा क्षेत्री र थापाबीच मिलापत्र भएको हो।

Leave a Reply

Your email address will not be published. Required fields are marked *