बाँकेको नेपालगन्जमा प्लास्टिकले बेरेको अवस्थामा शव फेला परेको छ ।
नेपालगन्ज उपमहानगरपालिका २०, राझा विमानस्थल परिसरको पूर्वी कम्पाउन्ड बाहिर बालकृष्ण वलीको शव फेला परेको प्रहरीले जनाएको छ । ३० वर्षीय वलीको शव प्लास्टिकले बेरेको अवस्थामा फेला परेको बाँके प्रहरी प्रवक्ता डीएसपी मधुसूदन न्यौपानेले बताए । मृतक वली लागूऔषध प्रयोगकर्ता रहेको प्रहरीले जनाएको छ ।
प्रहरीका अनुसार मृतकको शरीरमा कुनै चोटपटक देखिएको छैन । घटनाबारे थप अनुसन्धान भइरहेको प्रहरीले जनाएको छ ।