• Wed. Feb 21st, 2024

अग्रिम पोष्ट

सर्वाधिक हेरिने अनलाइन

दोस्रो विश्वयुद्धमा हिटलरको नाजी क्याम्पबाट पनि बचेका थिए, रुसको आक्रमणमा मारिए

Bydeep

Mar 25, 2022

काठमाडौं। युक्रेनको खारकिभमा रुसले गरेको आक्रमणमा शुक्रबार ९६ वर्षका बोरिस रोमनचेंकोको मृत्यु भएको छ । रोमचेंको दोस्रो विश्वयुद्धका बेला हिटलरको नाजी क्याम्प होलोकास्टमा यहुदीहरुको नरसंहारका बेला पनि जीवितै बचेर युक्रेन फर्किएका थिए । रोमचेंकोको मृत्युको पुष्टि बुचेनवाल्ड कन्सन्ट्रेसन क्याम्प मेमोरियल इन्स्टिच्युटले पनि गरेको छ ।

इन्स्टिच्युटले भनेको छ ‘रोमचेंको दोस्रो विश्वयुद्धको क्रममा बुचेनवाल्ड, पिनेमुन्डे, डोरा र बर्गेन बेल्सेन क्याम्पमा चेका थिए ।’ इन्स्टिच्युटले रोमचेंकोको मृत्युबाट सबै स्तब्ध भएको बताएको छ । रोमनचेंकोले नाजीहरुले गरेका अत्याचारबारे अरुलाई जानकारी दिन्थे । उनी बुचेनवाल्ड डोरा इन्टरनेशनल कमिटीका उपाध्यक्ष थिए ।

बोरिस रोमनचेंकोकी नातिनी युलिया रोमनचेंकोले सीएनएनसँग कुरा गर्दै आफूले साल्टिभकामा १८ मार्चमा फयरिङको खबर पाएको बताइन् । त्यसपछि उनले स्थानीय मानिसहरुसँग आफ्ना हजुरबुवाको घरको बारेमा सोधेकी थिइन् । स्थानीयले युलियालाई जलिरहेको घरको भिडियो पठाए । लुलियाका अनुसार साल्टिभकामा कर्फ्यु थियो त्यसैले उनी त्यहाँ छिटो जान सकिनन् । पछि युलिया त्यहाँ पुग्दा उनका हजुरबुवाको घर पूर्ण रुपमा क्षत विक्षत भएको थियो ।

दोस्रो विश्वयुद्धका क्रममा रोमनचेंको एउटा मात्र नभइ ४ वटा नाजी क्याम्पबाट समेत बचेका थिए । तर, शुक्रबार खारकिभमा भएको गोलीबारीमा उनको मृत्यु भयो । २०१२ मा रोमनचेंकोले बुचेनवाल्डसँग सम्बन्धित एक कार्यक्रममा भाग लिएका थिए । त्यहाँ उनले एक यस्तो नयाँ संसार बनाउने शपथ लिएका थिए जहाँ शान्ति र स्वतन्त्र शासन होस् ।

Leave a Reply

Your email address will not be published. Required fields are marked *